بنگلادیش کے عام انتخابات کے ابتدائی نتائج میں واضح ہوا ہے کہ ایک بار پھر شیخ حسینہ واجد کی جماعت عوامی لیگ بڑے پیمانے پر کامیابی حاصل کرکے حکومت بنانے کی پوزیشن میں آگئی۔
یاد رہے کہ بنگلادیش کے عام انتخابات میں اپوزیشن جماعتوں نے بائیکاٹ کیا تھا جس کی وجہ سے ان کی پارٹی عوامی لیگ کو کسی سخت حریف کا سامنا نہیں کرنا پڑا، جس کے بعد شیخ حسینہ واجد کی جماعت عوامی لیگ نے بڑی کامیابی حاصل کی۔ شیخ حسینہ واجد نے الیکشن کا بائیکاٹ کرنے والے جماعتوں کو دہشتگرد جماعتیں قرار دیا ہے
عوامی لیگ کی الیکشن میں کامیابی کے بعد شیخ حسینہ واجد کے پانچویں مرتبہ بنگلادیش کی وزیراعظم بننے کے امکانات مزید واضح ہو گئے۔ یاد رہے کہ شیخ حسینہ واجد 2009 سے بنگلادیش کی وزیراعظم ہیں
میڈیا رپورٹس کے مطابق عوامی لیگ نے الیکشن میں 222 نشستیں حاصل کیں جب کہ انتخابات میں آزاد امیدواروں نے بڑے پیمانے پر کامیابی سمیٹی ہے اور 63 نشستیں حاصل کی ہیں۔ آزاد امیدوارں کے طور پر کامیاب ہونے والے متعدد امیدوار ایسے ہیں جنہیں عوامی لیگ نے ٹکٹ کے لیے منتخب نہیں کیا تھا جس وجہ سے انہیں ایک ڈمی امیدوار کے طور پر الیکشن میں کھڑے ہونے کی ہدایت کی گئی تھی۔
مڈیا رپورٹ کے مطابق اپوزیشن جماعت جتیا پارٹی نے صرف 11 نشستیں 300 کے ایوان میں حاصل کی ہیں۔۔
