عام انتخابات کے دوران الیکشن کمیشن نے تمام پولنگ سٹیشن کے اندر موبائل فون لے جانے اور خواتین پولنگ سٹیشنز میں مردوں کے داخلہ پر پابندی عائد کر دی گئی ہے۔
زرائع کے مطابق الیکشن کمیشن کی جانب سے خیبر پختونخوا، سندھ، بلوچستان اور پنجاب کے صوبائی الیکشن کمشنرز کو مراسلے میں کہا گیا ہے کہ پولنگ کے دوران پولنگ سٹیشن کے اندر موبائل فون لے جانے پر سختی سے پابندی ہوگی تاہم پریذائیڈنگ افسران کو موبائل استعمال کرنے کی اجازت ہوگی۔ خیال رہے کہ پریذائیڈنگ افسر کی اجازت کے بغیر مردوں اور سیکیورٹی اہلکاروں کی خواتین پولنگ سٹیشنز میں داخلے پر پابندی ہوگی۔
