پاکستان شوبز انڈسٹری کی اداکارہ اسما عباس کا کہنا ہے کہ میرا اپنا ایک چھوٹا سا برینڈ ہے جسے میں اپنے شوق کی خاطر چلاتی اور میرے برینڈ کو خریدنے کی استطاعت ہر کوئی رکھتا ہے۔
حال ہی میں ایک نجی ٹی وی کے مزاحیہ پروگرام میں سینئر اداکارہ اسما عباس نے شرکت کی جہاں ایک سوال کے جواب میں اداکارہ نے کہا کہ لوگوں کو مصنوعی خوبصورتی کی طرف جانا چاہیے لیکن مائیکل جیکسن بھی نہیں بننا چاہیے۔ ان کا کہنا تھا کہ انجیکشن اور بوٹکس وغیرہ کروا کر اپنے چہرے کو خراب نہیں کرنا چاہیے، آپ جیسے ہیں ویسے ہی دکھنے چاہیے۔
مہنگے برینڈز استعمال کرنے سے متعلق سینئر اداکارہ کا کہنا تھا کہ میں خود ایک چھوٹا سا برینڈ اپنے شوق کی خاطر چلاتی ہوں اور میرے برینڈ کے کپڑوں کو خریدنے کی استطاعت ہر کوئی رکھتا ہے۔ انکا مزید کہنا تھا کہ میری کپڑے سیتے ہوئے تصاویر اکثر سوشل میڈیا پر دیکھی جاتی کیونکہ میں نے کبھی ڈیزائنرز کے کپڑے نہیں پہنے کیونکہ مجھے مانگ مانگ کر کپڑے پہننے کا شوق نھیں ہے اسی وجہ سے میں اپنے کپڑے خود ڈیزائن کرتی ہوں اور خود سلائی کرتی ہوں۔
