اسلام آباد: اقوام متحدہ کے سیکرٹری جنرل انتونیو گوتریس تین روزہ سرکاری دورے پر پاکستان پہنچ گئے۔
ترجمان دفتر خارجہ کے مطابق قائم مقام سیکرٹری خارجہ نبیل منیر نے معزز مہمان کا استقبال کیا۔
انتونیو گوتریس صدر مملکت، وزیراعظم، نائب وزیراعظم و وزیر خارجہ اور فیلڈ مارشل سے اہم ملاقاتیں کریں گے۔
اقوام متحدہ کے سیکرٹری جنرل راولپنڈی میں اقوام متحدہ کے فوجی مبصر گروپ برائے بھارت و پاکستان کے ہیڈکوارٹرز کا بھی دورہ کریں گے۔
انتونیو گوتریس نیشنل ڈیزاسٹر مینجمنٹ اتھارٹی کا دورہ بھی کریں گے.
این ڈی ایم اے میں انہیں قدرتی آفات سے نمٹنے کی تیاریوں اور پیشگی اطلاع کے نظام پر بریفنگ دی جائے گی۔
