اینٹی کرپشن سرکل اسلام آباد کی بڑی کاروائی, اشتہاری ملزم کو گرفتار کر لیا گیا۔
تفصیلات کے مطابق محمد شہباز نامی اشتہاری ملزم کو آئی پی آر ٹریبونل سے گرفتار کر لیا گیا۔ ملزم کو آئی پی آر ٹریبونل سے ضمانت منسوخ ہونے پر گرفتار کیا گیا۔ یاد رہے کہ ملزم کے خلاف سال 2013 میں مقدمہ درج ہوا تھا اور ملزم گزشتہ 10 سال سے مطلوب تھا۔ ملزم نجی سیمنٹ فیکٹری کے جعلی نمونے بنانے اور فروخت کرنے میں ملوث تھا۔ تفصیل کے مطابق ملزم سفید سیمنٹ میں لائم سٹون ملا کر جعلی اور غیر معیاری نمونہ جات تیار کرنے میں ملوث تھا اور ملزم نجی سیمنٹ فیکٹری کی ساکھ متاثر کر رہا تھا۔ ملزم پیکنگ کے لیے نجی کمپنی کے پیکنگ بیگز استعمال کرتا تھا۔ترجمان ایف آئی اے کا کہنا ہے کہ ملزم کو گرفتار کر کے تفتیش کا آغاز کر دیا گیا ہے
