پاراچنار: کرم میں امدادی سامان لے جانے والی گاڑیوں کے قافلے پر ایک بار پھر شرپسندوں نے حملہ کیا ہے، شرپسندوں کی فائرنگ سے ایک ڈرائیور زخموں کی تاب نہ لاتے ہوئے ہسپتال میں جاں بحق ہوگیا جبکہ 4 زخمی ہوگئے ۔
ضلعی انتظامیہ کے مطابق ٹل سے 130 گاڑیوں پر مشتمل قافلہ روانہ ہوا، جس میں 5 آئل ٹینکر بھی موجود ہیں ۔ لوئر کرم میں قافلے پر ایک بار پھر حملہ کیا گیا ہے، جس کے بعد فائرنگ کی گئی،جب کہ انتظامیہ نے قافلے کو رواں دواں رکھنے کا حکم دیا ہے تاہم بعدازاں گاڑیوںکے قافلے کو واپس ٹل پہنچایا گیا ۔
سرکاری ذرائع کے مطابق لوئر کرم کے چارخیل کے مقام پر قافلے پر فائرنگ کی گئی، جس کے بعد گاڑیوں کو بھی لوٹا گیا ۔ ذرائع کا کہنا ہے کہ کرم لوٹنے والوں پر فائرنگ کی گئی۔ 40 گاڑیاں ٹل سے پاراچنار کی جانب جا رہی تھیں ۔
اُدھر کرم میں بنکرز کی مسماری کا عمل بھی جاری ہے۔ ڈپٹی کمشنر کے مطابق اب تک 183 بنکرز گرا دیے گئے ہیں ۔ امن معاہدے پر مکمل عملدرآمد یقینی بنایا جائے گا ۔
دوسری جانب پولیس کا کہنا ہے کہ لوئر کرم میں اوچت و ڈاڈ قمر میں بھی قافلے پر فائرنگ کی گئی ہے۔ 64 گاڑیوں کا قافلہ ٹل سے روانہ ہوا ہے ۔
