مسلم لیگ ن اور ایم کیو ایم پاکستان میں آئینی ترمیم پر معاہدہ طے پا گیا ہے

مسلم لیگ ن اور ایم کیو ایم پاکستان میں آئینی ترمیم پر معاہدہ طے پاگیاہے۔ اب صوبوں کو ملنے والے فنڈز ضلعی حکومتوں کو ملیں گے۔

مسلم لیگ ن اور ایم کیو ایم پاکستان کے درمیان آئین کے آرٹیکل 140میں ترمیم پر اتفاق ہو گیا ہے۔مسلم لیگ ن کی جانب سے احسن اقبال نے معاہدے پر دستخط کیے جبکہ ایم کیو ایم پاکستان کی جانب سے مصطفی کمال نے معاہدے پر دستخط کیے۔معاہدے کے مطابق آرٹیکل 140کے تحت صوبوں کو دیے جانے والے فنڈز ضلعی حکومتوں کو جائیں گے۔مسلم لیگ ن سے معاہدے کے بعد ایم کیو ایم پاکستان نے اسپیکر اور ڈپٹی اسیپیکر کیلئے ووٹ دینے کا فیصلہ کیاتھا۔قبل ازیں ایم کیو ایم پاکستان نے مسلم لیگ ن کے ساتھ معاہدہ طے نہ پا جانے تک ووٹنگ کے عمل کا حصہ نہ بننے کا فیصلہ کیا تھا۔یاد رہے کہ گزشتہ روزمسلم لیگ ن کے رہنما خواجہ آصف نے ایم کیو ایم پاکستان کے ساتھ گورنری اور وزارتوں کے معاملات طے پانے کا عندیہ دیا تھا۔