وزیر اعلیٰ خیبر پختونخوا سہیل آفریدی کی جانب سے صوبے میں پی ٹی آئی کے گزشتہ حکومت میں ‘مارچ فکسڈ تھا’ بیان نے پی ٹی آئی کے اندر ہلچل مچادی، سہیل آفریدی کے پر سابق وزیر اعلیٰ علی امین گنڈوپور سیخ پا ہوگئے، پارٹی واٹس ایپ گروپ کا آڈیو مسیج لیک ہوگیا ۔
پشاور: پی ٹی آئی کے واٹس ایپ گروپ سے لیک ہونے والے آڈیو مسیج میں علی امین گنڈاپور نے کہا کہ میں نے پہلا میسج مزہ کا کیا تھا لیکن پھر سوچا لیک ہوکر میڈیا پر چلا جائے گا، اس طرح غیر ذمہ دار حرکت اور بات زیب نہیں دیتی ۔
لیک آڈیو مسیج میں علی امین گنڈاپور نے کہا کہ میرے پاس بھی بہت چیزیں ہیں ایک ایک چیز کا ریکارڈ ہے، وہ ریکارڈ دونگا تو سب ایسے ایکسپوز ہوں گے کہ منہ دکھانے کے قابل نہیں ہوں گے ۔
علی امین گنڈاپور نے کہا کہ وہ بانی پی ٹی آئی اور پارٹی کی وجہ سے چپ ہیں۔ یہ جو زبان استعمال ہوئی ہے اس میں بڑا الزام لگایا گیا ہے ۔
علی امین گنڈاپور نے کہا کہ کوئی جو بھی ہے اپنے گھر میں ہے ،مجھے ہر ایک کی اوقات کا پتہ ہے۔احسان فراموشوں کا مجھے پتہ ہے،احسان فراموشی اور بغض کی ایک حد ہوتی ہے اتنا کرو جتنا برداشت کرسکو ۔
سابق وزیر اعلیٰ علی امین گنڈاپور نے کہا کہ میں اس طرح بکواس بلکل برداشت نہیں کروں گا۔اپنے اوپر فوکس کرو،خود کچھ کرکے دیکھاؤ ۔
