شوہر نے کیا انوکھا فیصلہ۔اس نے اپنی ہی بیوی کی شادی اس کے بچپن کے دوست سے کروادی۔
بالی وڈ کےمشہور فلم ساز سنجے لیلا بھنسالی کی فلم ‘ہم دل دے چکے صنم’ نے اپنے دور میں کامیابی کی ایک تاریخ رقم کی تھی اس فلم میں ایک کہانی دکھائی گئی تھی کہ جس میں اداکار اجے دیوگن کا کردار ایک ایسے شوہر کا تھا جس کی اپنی اہلیہ (ایشوریا رائے) کسی اور سے محبت کرتی تھی۔
یہ کہانی ایک بار پھر سے دہرائی گئی ہے لیکن یہ کسی فلم کی کہانی نہیں بلکہ ایک حقیقت ہےـبھارتی ریاست بہار میں ایک انتہائی غیر معمولی اور دلچسپ واقعہ رونما ہوا۔غیرملکی خبررساں اداروں کے مطابق راجیش کمارجس کی عمر 26سال ہے اس نے اپنی 22 سالہ اہلیہ خوشبو کماری کی شادی اس کے بچپن کے دوست چندن کمار سے کروادی۔جبکہ چندن کمار کی عمر 24سال ہے۔
خوشبوشادی شدہ ہونے کے باوجود بھی چندن کے ساتھ رابطے میں تھی۔خوشبو کےسسرال والوں کو ان دونوں کے تعلقات کا تب پتا چلا جب یہ دونوں رات گئے ان ہی کے گھر پر ملتے ہوئے پکڑے گئے، اس کے بعد خوشبو کے شوہر راجیش نےاس معاملے کو گاؤں والوں کے سامنے پیش کیا اور اپنی بیوی کی اس شخص سے شادی کرنے کا فیصلہ کیا۔
جب راجیش سےاس حوالے سے سوال جواب کیے گئےتو اس نے اس بات کا انکشاف کیا کہ میری اہلیہ اپنے دوست چندن سے اکثر و بیشتر باتیں کرتی ہوئی پائی جاتی تھی،اس لیے میں نے دونوں کو ایک ساتھ ہمیشہ کے لیے رہنے میں مدد کی۔قابلِ غور بات یہ ہے کہ خوشبو اور راجیش کا ایک بیٹا بھی ہےجس کی عمر دو سال ہےـ
