ہری پور: وزیرستان میں دہشت گردوں کی فائرنگ سے شہید ہونے والے سپاہی کو پورے فوجی اعزاز کے ساتھ سپردخاک کر دیا گیا۔ نماز جنازہ ضلع ہری پور کی تحصیل غازی کے موضع کوئیٹرہ میں ادا کی گی۔ تحصیل غازی کے موضع کوئیٹرہ کے رہائشی شاہزیب ولد محمد اسلم ، جو وزیرستان میں دہشت گردوں کے خلاف آپریشن کے دوران دہشت گردوں کی فائرنگ سے شہید ہو گئے تھے ، کی نماز جنازہ انکے آبائی گاؤں کوئیٹرہ تحصیل غازی میں ادا کر دی گئی ہے ۔
سپاہی شاہزیب شہید کو پورے فوجی اعزاز کے ساتھ سپرد کر دیا گیا ۔ پاک فوج کے چاق و چوبند دستے نے سلامی پیش کی۔پاک فوج کے اعلی افسران کی جانب سے شہید کی قبر پر پھول چڑھائے گئے۔نماز جنازہ میں علاقہ بھر سے بڑی تعداد میں لوگوں نے شرکت کی۔
