راولپنڈی: خیبرپختونخوا کے اضلاع جنوبی وزیرستان، بنوں اور ٹانک میں 16 اور 17 نومبر کو سکیورٹی فورسز نے لارروائی کی۔
مختلف کارروائیوں کے دوران بھارتی سرپرستی میں سرگرم فتنہ الخوارج کے 22 خوارج ہلاک کر دیے گئے۔
آئی ایس پی آر کے مطابق جنوبی وزیرستان میں خوارج کی موجودگی کی اطلاع پر انٹیلی جنس بیسڈ آپریشن کیا گیا۔
آپریشن کے دوران سکیورٹی فورسز نے خوارج کے ٹھکانے کو مؤثر انداز میں نشانہ بنایا۔ شدید فائرنگ کے تبادلے میں 15 خوارج ہلاک ہوئے۔
بنوں میں دو الگ الگ مقابلوں کے دوران سکیورٹی فورسز نے خوارج کی پناہ گاہوں کو نشانہ بنایا، جس کے نتیجے میں 6 خوارج مارے گئے۔
ٹانک میں ایک اور مقابلے کے دوران ایک خارجی کو ہلاک کر دیا گیا۔
آئی ایس پی آر کے مطابق ہلاک ہونے والے خوارج سے اسلحہ اور گولہ بارود بھی برآمد ہوا۔
ہلاک دہشتگرد علاقے میں متعدد دہشت گرد کارروائیوں میں ملوث تھے۔
علاقے میں کسی بھی دیگر بھارتی سرپرستی میں سرگرم خارجی کے خاتمے کے لیے کلیئرنس آپریشنز جاری ہیں۔


