پشاور: خیبرپختونخوا میں کاروبار اور سرمایہ کاری کے فروغ کے لیے ایس آئی ایف سی کے اعلیٰ حکام نے صوبے کا دورہ کیا۔
اس دوران ایس آئی ایف سی حکام نے چیف سیکرٹری خیبرپختونخوا اور چیمبرز آف کامرس کے نمائندوں سے اہم ملاقاتیں کیں۔
ملاقاتوں میں آسان کاروبار ایکٹ، نیشنل بزنس پورٹل اور بزنس فسیلیٹیشن سینٹرز کے ذریعے کاروباری سہولتوں میں اضافے کے اقدامات پر بریفنگ دی گئی۔
حطار، رشکئی اور دارابن اسپیشل اکنامک زونز کی ترقی اور استعداد کار میں اضافے کے اقدامات پر بھی تبادلہ خیال کیا گیا۔
ایس آئی ایف سی حکام نے کاروباری برادری کو درپیش رکاوٹیں دور کرنے اور مسائل کے حل کے لیے مکمل تعاون کی یقین دہانی کرائی۔
ایس آئی ایف سی صوبائی حکومتوں کے اشتراک سے ملکی و غیر ملکی سرمایہ کاروں کے لیے کاروبار کے عمل کو آسان بنا رہی ہے۔
