اسلام آباد: نائب وزیراعظم محمد اسحاق ڈار اقوام متحدہ جنرل اسمبلی کے اجلاس میں شرکت کے لیے نیویارک پہنچ گئے ہیں۔
ترجمان دفتر خارجہ کے مطابق نیویارک پہنچنے پر پاکستانی سفارتی حکام نے نائب وزیراعظم کا استقبال کیا۔
نائب وزیراعظم کی آئندہ ہفتے اعلیٰ سطح کی ملاقاتیں اور سرگرمیاں شیڈول ہیں۔
نائب وزیراعظم وزارتی فورمز میں شرکت اور پاکستان کا مؤقف پیش کریں گے۔
وہ اقوام متحدہ کے ایجنڈے سے متعلق اہم دوطرفہ، علاقائی اور عالمی امور پر اظہار خیال کریں گے۔
نائب وزیراعظم اپنے ہم منصبوں سے متعدد دوطرفہ ملاقاتیں بھی کریں گے۔
