لکی مروت: سعید خیل قبرستان کے قریب نامعلوم مسلح افراد نے پولیس کے رائیڈر اسکواڈ پر فائرنگ کردی، جس کے نتیجے میں موٹرسائیکل پر سوار ایک پولیس اہلکار شہید جبکہ دوسرا زخمی ہوگیا۔
پولیس کے مطابق فائرنگ کے واقعے میں شہید ہونے والے اہلکار کی شناخت ساجد جبکہ زخمی اہلکار کی شناخت محمد وقاص کے نام سے ہوئی ہے۔ شہید اور زخمی پولیس اہلکار کو طبی امداد کے لیے سٹی ہسپتال منتقل کردیا گیا۔
پولیس کے مطابق واقعے کے بعد کمیٹی کے رضاکاروں اور پولیس کی بھاری نفری کو مبینہ دہشت گردوں کے تعاقب کے لیے روانہ کردیا گیا ہے۔ علاقے میں سرچ اور تعاقبی کارروائی جاری ہے۔
