اسلام آباد: وزیردفاع خواجہ آصف نے بھارتی گمراہ کن پروپیگنڈا پر بیان دیتے ہوئے کہا ہے کہ پاکستان سے شکست کے بعد مودی شدید دباؤ میں ہیں، میرے خلاف پروپیگنڈا مہم سے ان کی ساکھ بحال نہیں ہو سکتی۔
وزیردفاع خواجہ آصف نے ایکس پر بیان جاری کرتے ہوئے کہا ہے کہ بھارت کے ذاتی حملوں یا مجھے ذہنی غیر مستحکم قرار دینے سے مسئلہ حل نہیں ہوگا۔
وزیردفاع خواجہ آصف نے کہاکہ راہول گاندھی نے بھی مودی کو ملنے والے بین الاقوامی اعزازات پر سوالات اٹھائے۔
برطانوی اخبار نے بھی مودی کے اعزازات کی ساکھ اور شفافیت پر سوال اٹھائے۔
خواجہ آصف نے کہا کہ مودی کی بیرونِ ملک مصنوعی تعریف کی کوششیں ناکام ثابت ہوں گی۔
