ویمنز ٹی20 ورلڈ کپ کے پہلے سیمی فائنل میں آسٹریلیا نے ویسٹ انڈیز کو 8 وکٹوں سے ہرا کر میگا ایونٹ کے فائنل کمیں جگہ بنالی، 126 رنز کا ہدف آستریلیا نے بآسانی 13 اوورز میں 2 وکٹ پر پورا کرکے کامیابی حاصل کی ۔
اوول گراؤنڈ میں کھیلے گئے میچ میں ویسٹ انڈیز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 125 رنز بنائے، کپتان ہیلی میتھیوز 30، ڈیانڈرا ڈوٹن 26 ناٹ آؤٹ، شی مین کیمبل 22 اور کیانا جوزف 16 رنز کے ساتھ نمایاں رہیں ۔
آسٹریلیا کی جانب سے ایشلے گارڈنر اور سوفی مولینوکس اوت جارجیا ویئرہم نے 2، 2 وکٹیں حاصل کیں، 126 رنز کے ہدف کے تعاقب میں آسٹریلیا نے صرف 13 اوورز میں 2 وکٹوں کے نقصان پر مطلوبہ سکور حاصل کرلیا ۔
بیتھ مونی نے شاندار ناقابل شکست 61 رنز بنائے، جبکہ ایشلے گارڈنر نے 35 رنز کی جارحانہ اننگز کھیل کر ٹیم کو فتح دلائی، جارجیا وول 16 رنز بنا کر آؤٹ ہوئیں، جبکہ ایلیس پیری انجری کے باعث ریٹائرڈ ہرٹ ہوگئیں ۔
ویسٹ انڈیز کی جانب سے چینیل ہینری اور ہیلی میتھیوز نے ایک، ایک وکٹ حاصل کی، آسٹریلیا کی آل راؤنڈر ایشلے گارڈنر کو 35 ناٹ آؤٹ رنز بنانے اور 2 وکٹیں لینے پر پلیئر آف دی میچ قرار دیا گیا ۔
