راولپنڈی میں تھانہ ویسٹریج پولیس کی کارروائی کے دوران چند روز قبل گھر میں چوری کی واردات کا ڈراپ سین ہوگیا ،بھانجا ہی چور نکلا، ملزم کے قبضے سے لاکھوں مالیت کا سونا بھی برآمد کیا گیا ۔
راولپنڈی: پولیس حکام کے مطابق گرفتار ملزم کے قبضے سے 78 لاکھ روپے سے زائد مالیت کے مسروقہ 17 تولہ طلائی زیورات برآمد کئے گئے ۔
ویسٹرج پولیس نے بتایا کہ زیر حراست شخص کا اپنے ماموں کے گھر آنا جانا تھا،جسے طلائی زیورات کے متعلق پتہ تھا، زیر حراست شخص نے گھر والوں کی غیر موجودگی میں طلائی زیورات چرا لیے ۔
ایس پی پوٹھوہار سردار بابر ممتاز خان کا کہنا تھا کہ شہریوں کے جان و مال پر حملہ کرنے والے قانون کی گرفت سے نہیں بچ سکتے ۔
