وفاقی وزیر داخلہ محسن نقوی کی زیرِ صدارت اسلام آباد میں خصوصی اجلاس ہوا جس میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔
وفاقی وزیر محسن نقوی نے غیر ملکی مہمانوں کے لیے فول پروف انتظامات یقینی بنانے کی ہدایت کی اور کہا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کیلئے اعزاز کی بات ہے۔ اجلاس کو آگاہ کیا گیا کہ اسلام آباد میں غیر ملکی وفود کی آمد کے سلسلے میں سکیورٹی انتظامات کے حوالے سے وزارت داخلہ میں کنٹرول روم قائم کر دیا گیا ہے۔
اس اہم اجلاس میں وزیر مملکت داخلہ طلال چوہدری، وفاقی سیکرٹری داخلہ، چیف کمشنر، آئی جی اسلام آباد پولیس، کمشنر راولپنڈی، ڈی جی ایف آئی اے، ڈی سی اسلام آباد، رینجرز، فیڈرل کانسٹیبلری اور وزارت خارجہ کے حکام نے شرکت کی۔
