چین کے ارومچی شہر میں پاکستان اور افغانستان کے درمیان باضابطہ مذاکرات شروع ہو گئے ہیں۔ سفارتی ذرائع کے مطابق یہ مذاکرات جونیئر سطح پر ہو رہے ہیں جن میں پاکستان کی نمائندگی وزارتِ خارجہ کے ایڈیشنل سیکریٹری کر رہے ہیں
ذرائع کا کہنا ہے کہ یہ مذاکرات دونوں ممالک کے درمیان کشیدگی کم کرنے کے لیے اہم پیش رفت ثابت ہو سکتے ہیں۔ سفارتی حلقوں کے مطابق پاکستان نے واضح کیا ہے کہ وہ افغانستان کے ساتھ مذاکرات جاری رکھنے کا خواہاں ہے، تاہم دہشت گردوں کی محفوظ پناہ گاہوں کے خلاف اپنی پالیسی میں کسی قسم کی نرمی نہیں کرے گا۔
