تھانہ واہ کینٹ کی حدود میں ڈکیتی کی واردات، تین ڈاکوں ایک گھر میں گھس کر گن پوائنٹ پر 3 لاکھ سے زائد نقدی اور ایک تولہ طلائی زیورات لے کر فرار ہوگئے،تھانہ واہ کینٹ پولیس نے مقدمہ درج کرکے مزید تفتیش شروع کردی ۔
تھانہ واہ کینٹ کی حدود ڈھوک جہاٹلہ میں ڈکیتی کی واردات سے متاثرہ شہری نے پولیس کو بیان دیا کہ اپنے گھر میں بچوں کے ہمراہ سو رہے تھے اچانک تین نامعلوم ڈاکو گھر کے مین دروازہ توڑ کر گھس آئے ۔
متاثرہ شخص کے مطابق ڈاکوں نے اسلحہ تان لیا اور فیملی کو یرغمال بناتے ہوئے 3 لاکھ سے زائد نقدی اور ایک تولہ طلائی زیورات لے کر فرار ہو گئے ۔
تھانہ واہ کینٹ پولیس نے مقدمہ درج کر لیا جبکہ ملزمان کی شناخت کے لیے سی سی ٹی وی فوٹیج چیکنگ کی جا رہی ہے ۔
پولیس حکام کا کہنا ہے کہ واقعے کی مکمل چھان بین جاری ہے اور شواہد کی روشنی میں ملوث عناصر کے خلاف قانونی کارروائی عمل میں لائی جائے گی ۔
