اسلام آباد کی ڈسٹرکٹ اینڈ سیشن کورٹ میں سابق وزیر اعلیٰ خیبرپختونخوا علی امین گنڈا پور کیخلاف شراب و اسلحہ برآمدگی کیس کی سماعت ہوئی، عدالت نے ملزم کو اشتہاری قرار دینے کی کارروائی کا آغاز کردیا ۔
اسلام آباد: جوڈیشل مجسٹریٹ مبشر حسن چشتی کی عدالت نے شراب اور اسلحہ برآمدگی کیس کی سماعت کی ، علی امین گنڈا پور کیخلاف اشتہاری کی کاروائی کا آغاز کردیا گیا، عدالت نے علی امین گنڈا پور کے وارنٹ گرفتاری بھی جاری کردیئے ۔
علی امین گنڈا پور آج عدالت میں پیش نہ ہوئے، علی امین گنڈا پور کی مسلسل غیر حاضری کے باعث عدالت نے وارنٹ گرفتاری کئے ۔
کیس کی آئندہ سماعت 5 جنوری کو ہوگی، علی امین گنڈا پور کیخلاف تھانہ بارہ کہو میں شراب اور اسلحہ برآمدگی کیس کا مقدمہ درج ہے ۔
