ڈپٹی انسپکٹر جنرل آف پولیس ہزارہ ریجن ناصر محمود ستی کی زیر صدارت ہزارہ، گلگت اور آزاد کشمیر میں جاری ترقیاتی پراجیکٹ، چائنیز و دیگر غیر ملکیوں کی سیکیورٹی اور لاء اینڈ آرڈر کے حوالے سے اہم آن لائن اجلاس ہوا ،اجلاس میں ڈی آئی جی گلگت، استور، اے آئی جی سیکیورٹی آزاد کشمیر اور دیگر پولیس افسران نے شرکت کی ۔
ایبٹ آباد: اجلاس میں ہزارہ، گلگت اور آزاد کشمیر میں جاری ترقیاتی پراجیکٹس، چائنیز و دیگر غیر ملکیوں کی سیکیورٹی، موجودہ سیکیورٹی اقدامات اور ان میں مزید بہتری لانے اور شر پسند و جرائم پیشہ افراد کیخلاف قانونی کارروائیوں کے حوالے سے اہم امور پر تبادلہ خیا ل کیا گیا ۔
ڈی آئی جی ہزارہ ناصر محمود ستی نے شرکاء سے گفتگو کرتے ہوئے کہا کہ ترقیاتی پراجیکٹ اور چائنیز کی سیکیورٹی حکومت پاکستان کی اولین ترجیحات میں شامل ہے اور انکو پایہ تکمیل تک پہنچانے میں ہم سب کو مل کر کام کرنا ہوگا ۔
انہوں نے کہا کہ اس میں کسی قسم کی کوئی بھی کمی کوتاہی نہ کی جائے، چائنیز ورکرز و دیگرغیر ملکیوں کی نقل و حرکت کے حوالے ایک دوسرے انفارمیشن شیئرنگ کو مزید مستحکم بنایا جائے اور بروقت ایک دوسرے کو اطلاع فراہم کریں اور چائنیزشہریوں کی نقل و حرکت کے دوران فل پروف انتظامات کیئے جائے تاکہ کوئی بھی ناخوشگوار واقع رونما نہ ہوں ۔
ڈی آٗی جی ہزارہ کا کہنا تھا کہ ترقیاتی پراجیکٹس کے اردگرد اپنی اپنی حدود میں سیکیورٹی انتظامات کا ہفتہ وار آڈٹ کیا جائے مشترکہ سرچ اینڈ سٹرائیک آپریشن کیئے جائے اور سیکیورٹی انتظامات میں سیکیورٹی خدشات کو دور کیا جائے ۔
ان کا کہنا تھا کہ شر پسند و جرائم پیشہ عناصر کےخلاف مل کر قانونی کارروائیاں عمل میں لائی جائیں، سی ٹی ڈی اور سپیشل برانچ کی مدد سے شرپسند و جرائم پیشہ عناصر و گرہوں کی فہرستیں مرتب کرکے ایک دوسرے کیساتھ شیئر کریں اور انکے خلاف گھیرا تنگ کیا جائے ۔
انہوں نے پولیس افسران کو ہدایت کی کہ اپنے اپنے اضلاع میں انٹری پوائنٹ پر ناکہ بندیوں کے نظام میں مزید بہتری لائے جائے مشکوک افراد اور مشکوک گاڑیوں کی اچھے طریقہ کار سے چیکنگ کی جائے اور کسی بھی سیکیورٹی خدشات کے پیش نظر اعلی افسران کو مطلع کیا جائے ۔
