پاکستان انڈر 16 والی بال ٹیم نے تھائی لینڈ میں تاریخ رقم کرتے ہوئے ایران کو شکست دیدی اور ٹرافی اپنے نام کرتے ہوئے نیا چیمپیئن بن گیا، پاکستان کی جانب سے محمد جنید اور فیضان اللہ نے شاندار کھیل پیش ہوئے قومی ٹیم کی کامیابی میں اہم کردار ادا کیا ۔
پاکستان نے دفاعی چیمپئن ایران کو ہراکر ایشین انڈر 16 والی بال چیمپئن شپ جیت لی، فائنل میں پاکستان نے ایران کو سنسنی خیز مقابلے کے بعد تین ۔ دو سے ہرایا ۔
پاکستان نے ابتدائی دو سیٹس ہارنے کے بعد کم بیک کرکے تاریخی فتح اپنے نام کی ، پاکستان کی جیت کا سکور 22-25، 21-25، 30-28، 25-21 اور 15-10 رہا جبکہ پاکستان کی جانب سے محمد جنید اور فیضان اللہ نے شاندار کھیل پیش کیا ۔
پاکستان نے پہلی مرتبہ ایشین انڈر 16 والی بال چیمپئن شپ جیتی ہے، پاکستان نے سیمی فائنل میں روایتی حریف بھارت کو 0-3 سے مات دے کرایونٹ میں ناقابل شکست ہونے کا ریکارڈ قائم کیا تھا ۔
پاکستان کی جانب سے محمد جنید اور فیضان اللہ نے شاندار کھیل پیش کیا، جنید نے 24 اٹیک پوائنٹس سمیت 28 پوائنٹس بنائے، فیضان اللہ نے 18 اٹیک اور چار بلاک پوائنٹس سمیت 22 پوائنٹس لیے ۔
