بلوچستان کے ضلع ہرنائی میں مادر وطن کا دفاع کرتے ہوئے جام شہادت نوش کرنے والے میجر محمد حسیب شہید کی نماز جنازہ چکلالہ گیریژن راولپنڈی میں ادا کر دی گئی۔
تقریب میں آرمی چیف جنرل سید عاصم منیراور وفاقی وزیر برائے پلاننگ اینڈ ڈویلپمنٹ جناب احسن اقبال سمیت اعلیٰ عسکری و سول حکام، افسران، جوانون اور شہید کے لواحقین نے شرکت کی۔
اس موقع پر آرمی چیف جنرل سید عاصم منیر کا کہنا تھا کہ بہادر افسران اور جوانوں کی قربانیاں دہشت گردی کی لعنت کے خلاف ملک کے دفاع کے لیے غیر متزلزل لگن کی مثال ہیں۔ انہوں نے کہا کہ قوم فتنہ الخوارج اور ان کی باگ ڈور سنبھالنے والوں کے خلاف جنگ میں مسلح افواج اور قانون نافذ کرنے والے اداروں کے ساتھ یکجہتی کے ساتھ کھڑی ہے۔
