پنڈی گھیب میں خاتون نے دھوکے سے شہری کو گھر بلا کر آگ لگادی۔جس کے بعد پولیس نے مقدمہ درج کر لیا۔
ذرائع کے مطابق پنڈی گھیب کے رہائشی نعمان نے تھانہ پنڈی گھیب پولیس کو رپورٹ درج کروائی کہ اس کے ساتھ چار سال سے تعلقات میں رہنے والی ایک خاتون نے اسے پیغام بھیج کر اپنے گھر بلایا۔ وہاں پہنچنے پر، دیگر ملزمان کے ہمراہ اس نے نعمان کو نشہ آور چیز پلا کر نیم بیہوش کردیا اور پھر اس پر پٹرول چھڑک کر آگ لگا دی۔
متاثرہ شخص کو فوری طور پر ٹی ایچ کیو ہسپتال پنڈی گھیب منتقل کیا گیا، جہاں اس کی حالت مزید خراب ہونے پر راولپنڈی ریفر کر دیا گیا۔
پولیس نے نامزد ملزمان کے خلاف اقدام قتل کی ایف آئی آر درج کر کے تفتیش کا آغاز کر دیا ہے۔
