بھارت میں بندروں کی وجہ سے 6 سالہ کمسن بچی زیادتی کا نشانہ بنے سے بچ گئی۔
غیرملکی خبررساں اداروں کے مطابق یہ واقعہ بھارت کی ریاست اترپردیش میں پیش آیا جدھر باغپت کے علاقے میں ایک شخص 6 سالہ بچی کو اپنی باتوں میں لگاکر اس کو اپنے ساتھ لے گیا اور اسے بہت ہی بے رحمی کے ساتھ برہنہ کردیا، بندروں نے اس دوران اس شخص پر دھاوا بول دیا جس کے بعد وہ شخص بھاگ گیا۔
کمسن بچی کے والد نے پولیس کو اس واقعے کی تمام تفصیل بتاتے ہوئے کہا کہ میری بیٹی گھر کے باہر کھیل رہی تھی کہ جب ایک شخص وہاں پر آیا اور اسے بہلا پھسلا کے اپنی باتوں میں لگا کر اپنے ساتھ لے گیا، گلی میں لگے ہوئے سی سی ٹی وی میں مذکورہ شخص کو بیٹی کو لے جاتے ہوئے دیکھا جاسکتا ہے،جب بچی گھر آئی تو اس نے سارا واقعہ بتایا کہ کس طرح بروقت بندروں نے اس ملزم پر حملہ کردیا جس کے باعث وہ بچی کو وہیں چھوڑ کر بھاگ کھڑا ہوا۔
بچی کے والد کے مطابق اس شخص نے میری بیٹی کو یہ دھمکی بھی دی تھی کہ اگر وہ اس کے ساتھ نہ گئی تو وہ اس کے باپ یعنی مجھے جان سے مار ڈالے گا، اگر اس شخص پر بندر حملہ نہیں کرتے تو میری بیٹی آج زندہ نہ ہوتی۔
متاثرہ بچی کے والدین نے قریبی پولیس اسٹیشن میں مقدمہ درج کروادیا جب کہ پولیس کا کہنا ہے کہ وہ ملزم کی شناخت کرنے اور اسے گرفتار کرنے کی کوشش کررہے ہیں،مذکورہ شخص دکھنے میں ایک نوجوان لڑکا لگتا ہے جو کہ کسی اور گاؤں سے تعلق رکھتا ہے۔یاد رہے کہ بھارت میں بندروں کی وجہ سے 6 سالہ کمسن بچی زیادتی کا نشانہ بنے سے بچ گئی
