راولپنڈی میں جاری بنگلادیش کے خلاف دوسرے ٹیسٹ کی پہلی میں پاکستانی ٹیم پہلی اننگز میں 274 رنز بنا سکی۔ یاد رہے راولپنڈی ٹیسٹ کے پہلے روز بارش کے باعث ٹاس بھی نہیں ہو سکا تھا، دوسرے روز بنگلا دیش کے کپتان نجم الحسن شنٹو نے ٹاس جیت کر پہلے بولنگ کا فیصلہ کیا۔
پاکستان کی جانب سے عبد اللہ شفیق اور صائم ایوب نے اننگز کا آغاز کیا لیکن عبد اللہ شفیق پہلے ہی اوور میں تسکین احمد کی گیند پر صفر پر بولڈ ہو گئے۔ شان مسعود 57 رنز بنا کر مہدی حسن میراز کی گیند پر ایل بی ڈبلیو ہو ئے۔
صائم ایوب بھی 58 کے انفرادی اسکور پر مہدی حسن میراز کو وکٹ دے بیٹھے، سعود شکیل 18 بنا کر بولڈ ہوئے جبکہ بابر اعظم 31 رنز بنا کر شکیب الحسن کا شکار بنے۔ 211 کے مجموعی اسکور پر محمد رضوان 29 رنز بنا کر ناہید کی گیند پر کیچ آؤٹ ہوگئے، خرم شہزاد 12 اور محمد علی 2 رنز بنا کر مہدی حسن کا شکار بنے۔
سلمان آغا نے بھی 54 رنز پر تسکین کی گیند پر شکیب کو کیچ تھما دیا اور پھر آخری وکٹ ابرار کی گری اور وہ 9 رنز بنا کر مہدی پویلین لوٹ گئے۔ پاکستانی ٹیم پہلی اننگز میں 274 رنز بنا کر آؤٹ ہوگئی۔ بنگلادیش کے مہدی حسن نے 5، تسکین نے 3، ناہید اور شکیب الحسن نے ایک ایک کھلاڑی کو آؤٹ کیا۔
