ایران میں بس حادثے میں شہید ہونے والے زائرین کی میتیں جیکب آباد پہنچا دی گئیں جبکہ جیکب آباد ایئرپورٹ پر شہدا کی نماز جنازہ بھی ادا کر دی گئی۔
حادثے میں جاں بحق ہونے والے 28 زائرین اور 23 زخمیوں کو وزیر اعظم شہباز شریف کی خصوصی ہدایات پر پاکستان ایئر فورس کے خصوصی سی 130 طیارے سے پاکستان لایا گیا۔
حادثے میں شہید ہونے والوں کی میتوں کو ایمبولینس کے ذریعے ان کے آبائی علاقوں میں روانہ کیا جائے گا جبکہ زخمیوں کو ائیر ایمبولینس کے ذریعے کراچی منتقل کیا جائے گا۔
