اٹک میں سکول وین پر فائرنگ سے 2 بچے جاں بحق ہوگئے جبکہ 5 زخمی ہیں
ذرائع کے مطابق یہ واقعہ اٹک کے علاقے ڈھیری کوٹ میں پیش آیا جہاں نامعلوم افراد نے سکول وین پر فائرنگ کردی جس کے نتیجے میں 2 بچے جاں بحق ہوگئے۔
واقعے کی اطلاع ملتے ہی ریسکیو ٹیمیں ڈھیر کوٹ پہنچ گئیں اور زخمی اورجاں بحق ہونے والے بچوں کو اسفند یار ولی اسپتال منتقل کیا۔
ریسکیو حکام کے مطابق زخمی بچوں کی عمریں 5 سال 10 سال کے درمیان ہیں جب کہ فائرنگ سے وین کا ڈرائیور بھی زخمی ہوا ہے۔
وزیراعلیٰ پنجاب مریم نواز نے واقعے پر اظہار افسوس کرتے ہوئے کمشنر راولپنڈی سے فوری رپورٹ طلب کرلی ہے اور زخمیوں کو بہترین طبی سہولیات فراہم کرنے کی ہدایت کی ہے۔
صدر مملکت آصف زرداری نے بھی سکول وین پرفائرنگ کے واقعےکی مذمت کرتے ہوئے کہا کہ معصوم بچوں کو نشانہ بنانا انتہائی ظالمانہ اور شرمناک فعل ہے، ذمے داران کے خلاف سخت کارروائی ہونی چاہیے۔
