پاکستان کرکٹ بورڈ نے بنگلہ دیش کے خلاف کھیلی جانے والی 2 ٹیسٹ میچوں کی سیریز کے لیے ٹکٹوں کی قیمتوں کا اعلان کر دیا گیا ہے۔
پی سی بی کا کہنا ہے کہ آن لائن ٹکٹوں کی فروخت 13 اگست کی شام 5 بجے سے شروع ہوگی جبکہ فزیکل ٹکٹ 16 اگست سے دستیاب ہوں گے۔
پاکستان کرکٹ بورڈ نے شائقین کی سہولت کے لیے سیزنل پاس بھی متعارف کیا ہے جس پرپندرہ فیصد ڈسکاؤنٹ بھی ہے۔
ٹکٹ کی کم ازکم قیمت 50 روپے جبکہ سب سے مہنگی ٹکٹ 2800 روپے تک رکھی گئی ہے،اس کے علاوہ تماشائی ہاسپٹیلٹی باکس 2 سے ڈھائی لاکھ روپے میں بک کروا سکتے ہیں۔
یاد رہے کہ پاکستان اور بنگلہ دیش کے درمیان پہلا ٹیسٹ 21 اگست سے راولپنڈی اور دوسرا ٹیسٹ 30 اگست سے کراچی میں کھیلا جائے گا۔
