تہران میں حماس کے سربراہ اسماعیل ہنیہ کی نمازہ جنازہ کو ادا کردیا گیا ہے۔
گزشتہ روز ایران کے شہر تہران میں شہید ہونے والے حماس کے سربراہ اسماعیل ہنیہ کی نمازہ جنازہ آیت اللہ خامنہ ای نے پڑھائی۔جنازے میں خواتین اور بچوں سمیت ہزاروں کی تعداد میں لوگوں نے شرکت کی۔جنازے میں شریک ہونے والے افراد نے فلسطین کے جھنڈے اور اسماعیل ہنیہ کی تصویر اٹھائی ہوئی تھی۔حماس کے سربراہ اسماعیل ہنیہ کے جنازے کو ایران کے سابق صدر ابراہیم رئیسی جیسا پروٹوکول دیا گیا ہے۔اسماعیل ہنیہ کو جمعہ کے دن قطر کے دارالحکومت دوحہ میں سپرد خاک کیا جائے گا جس کے لئے ان کی میت آج دوحہ کی جانب منتقل کیا جائے گا،ان کی نماز جنازہ کو جمعے کے بعد امام محمد بن عبدالوہاب مسجد میں ادا کیا جائے گا اور پھر اس کے بعد تدفین لوسیل کے قبرستان میں کی جائے گی۔
