ایبٹ آباد میں جیپ گہری کھائی میں گرنے سے خواتین و بچوں سمیت 6افراد جاں بحق جبکہ 5زخمی ہو گئے۔ افسوسناک حادثہ تھانہ بکوٹ کی حدود میں پیش آیا جہاں جیپ بے قابو ہو کر کھائی میں جا گری ۔
ڈی ایس پی گلیات کے مطابق جاں بحق اور زخمی ہونے والے افراد کلیاں بازار سے شاپنگ کرکے گھر واپس آ رہے تھے کہ حادثے کا نشانہ بن گئے۔ یہ بات قابل ذکر ہے کہ بکوٹ نمبل روڈ تباہ ہو چکا ہے جس کی وجہ سے یہاں حادثات معمول بن چکے ہیں۔
