صدر مملکت کیلئے انتخابی میدان 9 مارچ کو سجے گا۔ آصف زرداری اور محمود خان اچکزئی کے درمیان مقابلہ ہو گا۔
سپیکر قومی اسمبلی نے پارلیمنٹ کا مشترکہ اجلاس9 مارچ کو طلب کر لیا ۔جس کا سیکرٹری قومی اسمبلی نے نوٹیفکیشن بھی جاری کر دیا ہے۔صدارتی امیدواروں کے کاغذات نامزدگی کی سکروٹنی آج ہو گی۔ 5 مارچ کو امیدواروں کی حتمی فہرست جاری کی جائے گی۔صدر کے انتخاب کیلئے سینیٹ، قومی و صوبائی اسمبلیوں میں بیک وقت پولنگ ہو گی۔ ووٹنگ کا عمل صبح10بجے سے شام4بجے تک جاری رہے گا۔ یاد رہے کہ آصف زرداری اور محمود خان اچکزئی کے علاوہ صدر مملکت کی دوڑ میں کئی آزاد امیدوار بھی شامل ہیں۔
