آٹھ فروری کو ہونے والے انتخابات کے حوالے سے مختلف سیاسی جماعتوں کی جانب سے جلسے ،ریلیوں کا انعقاد کیا جارہاہے۔
ملک بھر میں عام انتخابات کی تیاریاں زور شور سے جاری ہیں۔ شہر شہر ،قریہ قریہ سیاسی رہنماں جلسے ،ریلیاں اور کارنر میٹنگز کا اہتما کررہے ہیں۔انتخابی مہم کے سلسلے میں پاکستان مسلم لیگ ن آج سوات میں پاور شو کرے گی۔ جہاں جلسے کی تمام تر تیاریاں مکمل کرلی گئی ہیں۔سوات کے گراسی گراؤنڈ میں ہزاروں کرسیاں لگادی گئی ہیں۔کاکنان کا جوش و خروش عروج پر ہے۔ اس موقع پر سیکورٹی کے انتہائی سخت انتظامات کیئے گئے ہیں۔جلسہ گاہ میں داخل ہونے کیلئے واک تھرو گیٹ بھی نصب کیئے گئے ہیں۔جلسے سے مسلم لیگ ن کے قائد نواز شریف اور چیف آرگنائزر مریم نواز خطاب کریں گے۔دوسری جانب پیپلزپارٹی آج خضدار میں سیاسی پنڈال سجائے گی۔جہاں بلاول بھٹو زرداری عوامی جلسے سے خطاب کرکے کارکنان کا لہو گرمائیں گے۔جبکہ آصفہ بھٹوسانگھڑ میں جیالوں سے مخاطب ہونگیں۔اس حوالے سے سیکورٹی کے انتہائی سخت انتطامات کیئے گئے ہیں۔
