انتخابات کا باضابطہ شیڈول جاری کر دیا گیا ہے، پی ٹی آئی کے انٹرا پارٹی الیکشن 5فروری کو ہونگے
سماجی رابطے کی ویب سائٹ پر جاری بیان کے مطابق تحریک انصاف کے انٹراپارٹی انتخابات 5 فروری کومنعقد کروائے جائیں گے۔اس حوالے سے تحریک انصاف کے رہنما تحریک انصاف رؤف حسن نے انٹراپارٹی انتخابات کا شیڈول جاری کردیا ہے۔ شیڈول کے مطابق پاکستان تحریک انصاف کے تمام رجسٹرد ممبران اپنی مرضی کے پینل یا چیئرمین کے امیدوار کے حق میں پاکستان بھر میں مختص مقامات پر ووٹ ڈال سکتے ہیں ۔ پارٹی ممبران اپنا ووٹ رابطہ ایپلی کیشن انٹرا پارٹی الیکشن ماڈیول کے ذریعے بھی ریکارڈ کرا سکتے ہیں۔ خیال رہے کہ 31جنوری 2024 تک رجسٹر تمام ممبران کو ووٹ ڈالنے کی اجازت ہو گی ۔ پولنگ کا وقت 5 فروری بروز پیر صبح 10بجے سے شام 4 بجے تک ہو گا ۔الیکشن کے مقامات اور اپیلٹ ٹریبونل کی تاریخ کا اعلان آج کیا جائے گا۔
