جنوبی لبنان میں مزاحمتی تنظیم حزب اللہ سے جھڑپوں میں اسرائیل کے 5 فوجی جاںبحق ہوگئے۔
اسرائیلی فوج کے ترجمان کے مطابق جنوبی لبنان میں حزب اللہ کے ساتھ جھڑپوں میں 5 اسرائیلی فوجی ہلاک ہوگئے ہیں جن میں ایک میجر اور ایک کیپٹن بھی شامل ہے۔
اسرائیلی میڈیا کے مطابق جھڑپوں میں 8 اسرائیلی فوجی زخمی بھی ہوئے ہیں۔
گزشتہ روز بھی حزب اللہ کے ساتھ جھڑپوں میں 3 اسرائیلی فوجی ہلاک جبکہ 12 زخمی ہوئے تھے۔
دوسری طرف اسرائیل کے لبنانی شہر نباتیہ کی میونسپل بلڈنگ پر حملے میں شہر کے میئر سمیت 16 افراد جاں بحق ہوگئے۔
