گلگت بلتستان کی صوبائی حکومت نے گلگت بلتستان ویسٹ مینجمنٹ کمپنی کے ملازمین کی تنخواہوں میں 25 فیصد اضافہ کر دیا۔ تفصیلات کے مطابق گلگت بلتستان لوکل کونسل بورڈ سکریٹریٹ کے شعبے تعلقات عامہ سے جاری ایک بیان میں کہا گیا ہے کہ صوبائی حکومت نے گلگت بلتستان ویسٹ مینجمنٹ کمپنی کے ملزمین کا مطالبہ منظور کرتے ہوئے تنخواہوں میں 25 فیصد اضافے کا نوٹیفیکیشن جاری کردیاہے۔ ترجمان کے مطابق اب دیگر محکموں کے ملازمین کی طرح ویسٹ مینجمنٹ کمپنی کے ملازمین کی تنخواہوں میں بھی اضافہ ہوگا۔
