محکمہ موسمیات کے مطابق ملک کے بیشتر اضلاع میں موسم خشک اور سر د رہے گا۔بالائی علاقوں میں بارش اور برفباری متوقع ۔ جکبہ میدانی علاقے دھندکی لپیٹ میں رہیں گے۔
ملک میں خون جمادینے والی یخ بستہ ہواؤں کا راج ہے۔ میدانی علاقے دھند کی لپیٹ میں ہیںجبکہ بالائی علاقوں میں پہاڑوں سے سفید چادر اوڑھ لی ہے۔ ملک میں موسم سرما کے رنگ نظر آنے لگے۔ کہیں بارش اور کہیں برف باری سے سردی کی شدت میں مزید اضافہ ہوگیا۔بالائی علاقوں میں پہاڑوں پر برفباری کے حسین مناظر سے مقامی لوگ اور سیاح خوب لطف اندوز ہو رہے ہیں۔کشمیرکے بعض علاقوں میں درجہ حرارت نقطہ انجماد سے گرنے کے باعث ندی نالے اور چشمے جم گئے۔
شدید سردی کی وجہ سے سیاحوں کی آمدورفت بند ہوگئی۔سیاحت سے جڑے لوگوں کے کاروبار بھی ٹھپ ہو کر رہ گئے۔ خشک سردی کے باعث بیماریاں پھوٹنے کے خطرات بھی منڈلانے لگے ہیں۔پنجاب اور سندھ میں دھندکے ڈھیرے ہیں۔دھندکے باعث مختلف جگہوں سے بند کی گئی موٹر وے کو ٹریفک کیلئے کھول دیاگیاہے۔ترجمان ٹریفک پولیس کا کہناہے کہ ڈرائیورز حضرات فوگ لائٹس کا استعمال کریں۔اورشہری غیر ضروری سفر سے اجتناب کریں۔ادھر محکمہ موسمیات کا کہنا ہے کہ ملک کے بیشتراضلاع میں آئندہ کچھ روز تک موسم خشک اور سرد رہے گا۔
