وزیراعظم شہبازشریف نے شنگھائی کانفرنس کے دوران جڑواں شہروں اسلام آباد اور راولپنڈی میں 3 تعطیلات کی منظوری دے دی ہے۔
ذرائع کے مطابق اسلام آباد اور راولپنڈی ضلع میں 14،15 اور 16 اکتوبر 2024کو عام تعطیل کا نوٹیفیکیشن جاری کردیا گیا ہے۔
یہ فیصلہ وفاقی حکومت کی جانب سے کیا گیا ہے۔ کردیا ہے۔جس کا نوٹیفکیشن بھی جاری کردیا گیا ہے۔
نوٹیفکیشن کے مطابق عام تعطیل کا اعلان ایس سی او کانفرنس کی مناسبت سے کیا گیا ہے۔
ذرائع کے مطابق نوٹیفکیشن میں بتایا گیا ہے کہ 14 تا 16 اکتوبر 2024جڑواں شہروں میں تمام تعلیمی اور دیگر سرکاری ادارے بند رہیں گے۔
واضح رہے کہ شنگھائی تعاون تنظیم کا سربراہی اجلاس 15 اور 16 اکتوبر 2024کو اسلام آباد میں ہوگا جس میں کئی ممالک کے سربراہان اور نمائندے شریک ہوں گے۔
اسلام آباد میں ایس سی او سمٹ کے لیے فوج کی تعیناتی کا نوٹیفکیشن جاری
ایس سی او سمٹ کے لیے آرٹیکل 245 کے تحت اسلام آباد میں فوج بھی تعینات کی گئی ہے جو 17 اکتوبر تک تعیناتی رہے گی۔
اس سے قبل بھارتی وزارت خارجہ کے ترجمان کی جانب سے بیان میں کہا گیا تھا کہ بھارت پاکستان میں ہونیوالے شنگھائی تعاون تنظیم ( ایس سی او) کے اجلاس میں شرکت کرے گا۔
ترجمان کا کہنا تھا کہ بھارتی وزیرخارجہ جے شنکر ایس سی اوسمٹ میں شرکت کیلئے پاکستان جائیں گے اور 15 ،16 اکتوبر کو سمٹ میں شرکت کریں گے، جے شنکر کا پاکستان کا یہ پہلا دورہ ہوگا۔
