راولپنڈی :اڈیالہ جیل میں 18 اکتوبر تک عمران خان سمیت تمام قیدیوں کی ملاقاتوں پر پابندی عائد کردی گئی ہے ـ
رپورٹ کے مطابق جیل ذرائع کا کہنا ہے کہ بانی پی ٹی آئی عمران خان صاحب سے ملاقات پر پابندی عائد کر دی گئی ہے، کسی بھی پارٹی کا رہنما ،وکلا حتی کہ ان کی فیلمی بھی ان سے ملاقات نہیں کر سکتی ـ ملاقاتوں پر پابندی سکیورٹی وجوہات کےباعث لگائی گئی ہے۔
ذرائع کا کہنا ہے جیل حکام کے مطابق اسلام آباد میں شنگھائی تعاون تنظیم کے اجلاس کے سلسلے میں اڈیالہ جیل کی سیکورٹی سخت کرنے کا فیصلہ کیا گیا ہے ـ
پنجاب حکومت نے اڈیالہ جیل میں ملاقاتوں پر پابندی عائد کرنے کا فیصلہ کیا ہے، اور اڈیالہ جیل میں ملاقاتوں پر پابندی کا اطلاق عام قیدیوں پر بھی ہو گا۔
