پیرس اولمپکس 2024 کے فی میل اسکیٹ بورڈنگ مقابلے میں طلائی تمغہ حاصل کرنے والی آسٹریلین خاتون ایتھلیٹ نے اپنے والدین سے انوکھے تحفے کی فرمائش کردی۔
14 سالہ اسکیٹ بورڈر اریسا ٹریو نےسات اگست کو مقابلہ جیتنے کے ساتھ ہی گولڈ میڈل جیتنے والی سب سے کم عمر آسٹریلوی ایتھلیٹ ہونے کا اعزاز بھی اپنے نام کر لیا۔
اریسا ٹریونے گولڈ میڈل جیتنے کے بعد پریس کانفرنس بتایا کہ ان کے والدین نے وعدہ کیا تھا کہ اگر وہ طلائی تمغہ جیتنے میں کامیاب ہوتی ہے تو اسے تحفے میں پالتو بطخ دی جائے گی۔
اریسا ٹریو کا کہنا تھا کہ بطخ کی فرمائش خود انہوں نے اپنے والدین سے کی تھی۔
ایتھلیٹ کا پریس کانفرنس میں کہنا تھا کہ اسے بطخیں بہت پیاری لگتی ہیں اور وہ ایک بطخ پالنا چاہتی ہے۔
ایتھلیٹ کا کہنا تھا کہ اس کے والدین اس کو کبھی کتا یا بلی پالنے نہیں دیں گے کیونکہ وہ لوگ آج کل بہت سفر کر رہے ہیں ۔
اریسا ٹریو کا مزید کہنا تھا کہ تاہم بطخ پالنا آسان ہوگی، پتا نہیں کیوں مجھے بطخ ہی چاہیے‘۔
یاد رہے کہ آسٹریلوی ایتھلیٹ نے خواتین کے اسکیٹ بورڈنگ مقابلے کے فائنل میں 93.18 اسکور کرتے ہوئے طلائی تمغہ حاصل کرنے میں کامیاب ہوگئی تھی۔
