فوربز نے دنیا کی10مضبوط کرنسیوں کی فہرست جاری کردی۔
رینکنگ میں کویتی دینار سب سے آگے جبکہ امریکی ڈالر کو 10واں نمبر دیا گیا ہے۔فوربز کے مطابق اقوام متحدہ میں 180کرنسیوں کو قانونی حیثیت حاصل ہے. کویتی دینار طاقتور ہونے کے اعتبار سے پہلے نمبر پر ہے جس کی مالیت تین اعشاریہ 25ڈالر کے برابر ہے جبکہ دوسرا نمبر بحرینی دینار کا ہے جس کی مالیت دو اعشاریہ 65ڈالر ہے۔پھر عمانی ریال دو اعشاریہ 60ڈالرکے ساتھ تیسرے، اردنی دینار ایک اعشاریہ 41ڈالر کے ساتھ چوتھے، جبرالٹر اور برطانوی پاؤنڈ ایک اعشاریہ 27ڈالر کے ساتھ پانچویں اور چھٹے نمبر پر ہیں،ساتواں نمبر کیمین آئی لینڈ ڈالر کا ہے جس کی مالیت ایک اعشاریہ 20ڈالر ہے۔
اسکے علاوہ سوئٹزرلینڈ کا فرانک ایک اعشاریہ 17ڈالر مالیت کے ساتھ آٹھویں جبکہ یورو ایک اعشاریہ نو ڈالر مالیت کے ساتھ نویں نمبر پر ہے،اس کے بعد امریکی ڈالر کا نمبر ہے۔
