امریکہ کے شہر سکاگو کے ایک سکول کی عہدیدار خاتون نے 15 لاکھ ڈالر مالیت کے چکن ونگز چرانے کا اعتراف کر لیا، جس پر اس کو 9 سال قیدکی سزا سنا دی گئی۔
غیر ملکی میڈیا کے مطابق ویرا لائڈیلز نامی خاتون جو ایک سکول میں فوڈ سروس ڈائریکٹر تھی، نے کرونا ائرس کے دوران کرپشن کرتے ہوئے ایک سال کے دوران 11 ہزار سے زائد چکن ونگز آرڈر کیے۔
یہ کھانا ان طلباء کے لیے تھا جوکورونا وائرس کی وبا کے دوران گھر پر رہتے ہوئے استعمال کرسکیں۔
ملزمہ نے 15 لاکھ ڈالر مالیت کے چکن ونگز کے پیکٹس سکول کے بچوں کو دینے کے بجائے گھر اپنے لے جا کر اس سے کاروبار کرنا شروع کردیا۔
68 سالہ خاتون کی چوری اس وقت سامنے آئی جب اسکول کے ایک بزنس مینیجر کو حسب معمول آڈٹ کے دوران کھانے کا بجٹ 3 لاکھ ڈالر زیادہ سامنے آیا۔
ابتدائی تحقیقات کے بعد ہی خاتون کی چوری پکڑی گئی تھی اور اس کو جنوری میں گرفتار کیا گیا تھا، تاہم مقدمے کی مکمل سماعت کے بعد ملزمہ کو9 سال قید کی سزا سنائی گئی ہے۔
