بھارت کے شہر کانپور میں ہونے والے انڈیا اور بنگلا دیش کے دوسرے ٹیسٹ میچ کے موقع پر ایک بنگلا دیشی سپورٹر کو شدید تشدد کانشانہ بنایا گیا ہے۔
غیر ملکی خبررسان اداروں کے مطابق کانپور کے گرین پارک اسٹیڈیم میں ہونے والے ٹیسٹ میچ کے پہلے دن ٹائیگر روبی نامی بنگلا دیشی فین پر شدید تشدد کیا گیا ہے۔
پولیس اور ریسکیو حکام نے زخمی نوجوان کو قریبی اسپتال کی جانب منتقل کردیا ہے۔
زخمی بنگادیشی فین کے مطابق انہوں نے میری قمر اور پیٹ کے نچلے والے حصے میں مارا جس کے باعث میں کچھ دیر کے لئے سانس نہیں لے سکا۔
یاد رہے کہ بھارت اور بنگلا دیش کے درمیان ٹیسٹ آج کانپور میں شروع کیا گیا ہے۔
