امریکی محکمہ خارجہ کے پرنسپل نائب ترجمان ویدانت پٹیل نے کہا کہ واشنگٹن دہشت گردی سے نمٹنے کے لیے پاکستان کی کوششوں کی حمایت کرتا ہے۔
واشنگٹن میں صحافیوں کو بریفنگ دیتے ہوئے ویدانت پٹیل نے کہا کہ علاقائی سلامتی کو لاحق خطرات سے نمٹنے میں امریکہ اور پاکستان کا مشترکہ مفاد ہے۔ انہوں نے کہا کہ ہم دہشت گردی سے نمٹنے اور اپنے شہریوں کے تحفظ کو یقینی بنانے کے لیے پاکستان کی کوششوں کی حمایت کرتے ہیں جس سے قانون کی حکمرانی اور انسانی حقوق کے تحفظ کو فروغ ملتا ہے۔
پٹیل نے مزید کہا کہ سیکیورٹی کے معاملات پر پاکستان کے ساتھ ہماری شراکت داری میں انسداد دہشت گردی کے لیے اعلیٰ سطحی بات چیت، انسداد دہشت گردی کی مضبوط صلاحیت کو فنڈز فراہم کرنا، پروگراموں کی تعمیر اور امریکہ اور پاکستان کی ملٹری ٹو ملٹری مصروفیات کے سلسلے کی حمایت شامل ہے۔
