واشنگٹن میں 15 سالہ لڑکے نے فائرنگ کرکے 5 افراد کو قتل کردیا۔
غیر ملکی خبررساں اداروں کے مطابق یہ انتہائی افسوس ناک واقعہ ریاست واشنگٹن کے علاقے فال سٹی میں پیش آیا ہے،جدھر پولیس کو ایک گھر میں سے فائرنگ کی اطلاع موصول ملی۔
پولیس کے مطابق اس واقعے کی اطلاع ملتے ہی پولیس اور میڈیکل ٹیمیں فوری طور پر جائے وقوعہ کی جانب پہنچ گئی تھیں۔
پولیس کا کہنا ہے کہ 15 سالہ کم عمر لڑکے نے گھر میں فائرنگ کرکے 3 بچوں سمیت 2 افراد کو قتل کردیا جبکہ اس فائرنگ کی وجہ سے ایک بچی شدید زخمی بھی ہوئی۔
پولیس کے مطابق بروقت کارروائی سے کم عمر ملزم کو گرفتار کیا گیا ہے تاہم اس کی شناخت ابھی ظاہر نہیں کی گئی ہے۔
پولیس کے مطابق قتل کی وجوہات فوری طور پر معلوم نہیں ہوسکی ہیں تاہم ملزم سے تفتیش شروع کردی گئی ہے۔
