راولپنڈی: این اے 53 کے امیدوار چوہدری نثار علی خان کے کارکنوں نے ن لیگ کے کارکن پر مبینہ تشدد کیا جس کا مقدمہ درج کرلیا گیا ہے۔
ذرائع کے مطابق راولپنڈی کے تھانہ چکری میں سابق وزیرِ داخلہ چوہدری نثار علی خان کے سات کارکنان پر مقدمہ درج کیا گیا یے۔ یہ مقدمہ لیگی امیدوار انجینئر قمر الاسلام اور چوہدری نعیم اعجاز کی مدعیت میں درج کیا گیا ہے۔
مقدمے کے متن میں لکھا گیا ہے کہ چوہدری نثار کے کارکن گزشتہ رات گھر میں زبردستی داخل ہوئے، تشدد کیا اور ن لیگ کی الیکشن مہم چلانے پردھمکیاں دیں. مقدمے کے متن کے مطابق ملزمان نے گھر میں توڑ پھوڑ بھی کی اور گیس سلنڈر اٹھا کر لے گئے۔
