آئی سی سی انڈر 19 ورلڈ کپ ،سپر 6 مرحلے میں پاکستانی ٹیم ہفتے کو بنگلادیش کے خلاف میدان میں اترے گی۔
آئی سی سی انڈر 19 کرکٹ ورلڈ کپ کے سپر 6 مرحلے میں شاہینوں نے اپنا پہلا میچ جیت لیا۔دوسرے مرحلے کے پہلے میچ میں قومی ٹیم نے آئرلینڈ کو 3 وکٹوں سے ہرا دیا۔ جنوبی افریقہ کے شہر پوچسٹروم میں کھیلے گئے سپر 6 مرحلے کے میچ میں آئرلینڈ کے خلاف پاکستانی نے شاندار آغاز کیا۔عبید شاہ نے 7 رنز پر حریف کی پہلی وکٹ گرائی اور اس کے بعد پاکستانی بولرز نے آدھی آئرش ٹیم کو 39رنز پر پویلین پہنچا دیا۔اس مشکل میں ہیری ڈیئر نے بھی 31رنز کی اننگز کھیلی لیکن ٹیم 181رنز بناکر آؤوٹ ہوگئی۔
پاکستان انڈر 19کی جانب سے عبید شاہ نے تین جبکہ عامر حسن، علی رضا اور احمد حسن نے دو دو وکٹیں حاصل کیں۔ہدف کے تعاقب میں پاکستانی اوپنرز 26 رنز پر پویلین لوٹ گئے اور آدھی ٹیم 96رنز بناکر آؤٹ ہوگئی۔ ایسے میں احمد حسن نے ٹیم کو سنبھالا، ہارون ارشد نے ان کا ساتھ دیا اور دونوں نے 63رنز کی شراکت بنائی۔ پاکستان نے ہدف 44 ویں اوور میں پورا کرلیا۔احمد 57 رنز بنا کر ناٹ آؤٹ رہے اور اسی پرفارمنس پر انہیں میچ کا بہترین کھلاڑی قرار دیا گیا۔ خیال رہے کہ سپر 6 مرحلے میں پاکستان ٹیم اپنا دوسرا اور آخری میچ ہفتے کو بنگلادیش کے خلاف کھیلے گی۔ اس میچ میں کامیابی کی صورت میں قومی ٹیم سیمی فائنل میں پہنچ جائے گی۔
