خیبرپختونخوا حکومت اپنے ہی دعووں سے مکر گئی،بانی پی ٹی آئی سے مشاورت کئے بغیر آئندہ مالی سال کیلئے 1962 ارب روپے حجم کا بجٹ منظور کرلیا ۔
پشاور: خیبرپختونخوا اسمبلی نے آئندہ مالی سال 26۔2025 کے لئے بجٹ کی متفقہ طور پر منظوری دے دی ۔
کے پی اسمبلی نے 66 مطالبات زر کی مد میں مجموعی طور پر 19 سو 62 ارب روپے کی منظوری دے دی،سپیکر صوبائی اسمبلی نے حاصل اختیارات کا استعمال کرتے ہوئے تحفیف زر کی تحاریک ختم کردی تھی ۔
خیبر پختونخوا حکومت نے آئندہ مالی سال کے لئے 21 سو 19 ارب روپے حجم کا بجٹ پیش کیا تھا،آئندہ مالی سال کے بجٹ میں 157 ارب روپے سرپلس رکھے گئے ہیں ۔
بجٹ میں سالانہ ترقیاتی پروگرامز کیلئے 547 ارب روپے شامل کئے گئے ہیں ۔
واضح رہے کہ آج ہی اسمبلی میں خطاب کرتے ہوئے وزیراعلیٰ علی امین گنڈاپور نے اعلان کیا تھا کہ بانی پی ٹی آئی سے جب بھی جیل میں ملاقات ہوگئی ، بجٹ سے متعلق ان کو بریف کیا جائیگا، اور ان کی ہدایت کے مطابق بجٹ اسمبلی سے منظور کیا جائے گا ۔
