اپر کوہستان کے علاقے سازین میں ٹرک کھائی میں گرنے سے دو افراد ہلاک ہو گئے۔
پولیس حکام نے بتایا کہ لوڈ ٹرک راولپنڈی سے گلگت جا رہا تھا کہ موڑ آنے پر اسکا ڈرائیور اسٹیئرنگ پر قابو نہ پا سکا جس کے نتیجے میں وہ کھائی میں جا گرا۔ پولیس نے موقع پر پہنچ کر زخمیوں کو قریبی طبی مرکز منتقل کیا جہاں پر ڈاکٹروں نے چارسدہ کے رہائشی نعیم جان اور طاہر جان کو مردہ قرار دے دیا۔ پولیس کے مطابق لاشوں کو ایمبولینسوں کے ذریعے چارسدہ روانہ کر دیا گیا۔
